Azken egunotan ikusi ditugu hemengo politikariak, Estatukoak eta Europakoak
sesioetan ibiltzen, iskanbilan jarduten, eta sarritan akordiotara heltzen
badaezpada, gogo handirik gabe eta elkarri mesede egiten diotelakoan. Egia
esanda, ohituta gaude eta badakigu gu bide batetik goazela eta haiek kontrako bidetik . Baina, benetan, mindu nauena izan da Europak izan duen jarrera berekoiak
eta lotsagarriak. Ez ditugu merezi ditugun politikariak. Diktaduran jaio
ginenok beti izan diogu miresmen berezia Europari eta Europazale amorratuak
izan gara. Europa hura, amesten genuena, antza gaur egun errealitatea da;
baina, egun hauetan ikusi dugun bezala, ez da amesten genuen hura. Beraz, ez dut
europarra izan nahi, bakarrik barakaldarra edo, gehien jota, bizkaitarra.
Izenik edo alderdirik aipatu gabe, blog honetan sentsibilitate guztiak
errespetatzen baititugu, komentatu zer iruditzen
zaizuen politikarien jarrera, batez ere, Europan. Eta galdera bat: lehendakaria
edo presidentea izango bazina, zein izango litzateke hartuko zenukeen lehenengo
neurria birus madarikatu honek eragin dizkigun arazoei aurre egiteko?
