EGUNAK ETA EGUNAK

Erosi eta erosi, zenbat eta gehiago erosi orduan eta zoriontsuagoak. Eta horretarako, espresuki, urtean zehar egun seinalatu batzuetarako asmatu dute zer edo zer. Betidanik egon diren erosteko datak gutxi izango balira bezala, gaur egun Ameriketatik ekarritako sasi-moda horiek ditugu: Black Friday edo Zibermonday.

Guk sakelei astindu ederra ematea dute helburu eta gutako askok, dagoeneko, zalantzan jartzen dugu erosteko data berri hauetan benetan maukarik dagoen ala aldez aurretik prezioak handitzen diren gero jaitsi egin dutela pentsarazteko, eta horrela ziria sartzeko. Batek daki!

Horretan argi daukat: itxaron ahal badut, itxaroten dut. Aurreko egunetan edo asteetan hasten naiz begiratzen eta prezioak konparatzen. Badakit zer erosi nahi dudan eta, arrantzan bezala, pazientzia baino ez da behar. Arrainak inguruan daude eta tzast! saskira. Kreditu txartela atera eta datozen asteetan etxean izango dut.

Baina,... ez dakit nik. Ez dakit arrain ederra harrapatu dudan ala arraina neu naizen. Eskerrak bi egun baino ez direla, behintzat, momentuz. Ez nuke esango laster Tuesday Berdea izango dugun edo merkathursday. Saldu eta saldu, zenbat eta gehiago saldu orduan eta zoriontsuagoak.

Zer deritzezue egun horiei? Erosten duzue? Merezi du? Zer beste egun proposatuko zenukete eta zer saltzeko edo erosteko?

EUSKALTEGIAN ERE, NOIZ?

Urtarrileko aldapa madarikatuan gaude bete betean eta, egia esanda, ez dakigu igotzen ala jaisten ari garen. Azken urteotan krisiak eraginda urtarrileko aldapak luzeagoak edo aldapatsuagoak dira. Lehen igotzea gogorra bazen, orain ia ezinezkoa. Ematen du pasu bat aurrera ematen dugunean aldapa atzean kabroiren bat dagoela aldapa bera altxatzen. Eta, noski, aldapa behera eroriz gero hartu ahal dugun zanpatekoa mundiala.

Trantze honetan eskerrak lagun ditugula beherapenak, kabroi horri kontrapisua egiteko edo urtarrileko aldapa leuntzeko. Ez dakit beherapenetan maukarik aurkitu ahal dugun, baina prezio erdian edo bi baten prezioan entzutean diru-zorroan txanponek atera nahian egiten duten txalaparta entzuten dut.

Tamalez, beherapenak ez dira leku guztietara heltzen. Badaude urte osoan prezio berean saltzen diren gauzak. Leku horretan ez dago urtarrilik, ez dago beherapenik. Ezin dugu prezio erdian euskaltegian ikasi edo bi maila egin baten prezioan, adibidez.

Zer deritzezue beherapenei?

INKESTA --- EMAITZAK

INKESTA:

ITXAROTEN DUZUE BEHERAPENAK IZAN ARTE GUSTUKO GAUZAREN BAT EROSTEKO?

BAI ……………………………. 0 (%0)

EZ ………….………........….. 9 (%64)

GAUZAREN ARABERA ....… 5 (%36)

EROSI BAI, BAINA ZERTARAKO?

Gabonen ostean eta urtarrileko aldapa malguago egiteko edo, hementxe daude beherapenak. Izan ere, dauden deskontuak ez dira makalak eta gu tontoen moduan mauka onenaren bila joaten gara eta askotan inoiz erabiliko ez ditugun gauzak merke daudelako erosten ditugu. Seguru asko, zeuek ere, noiz edo noiz, armairuan gordeta edukitzeko zerbait erosi duzue; beraz, horrela izan bada, kontatu beheko komentarioetan.

URTE OSOAN BEHERAPENETAN

Batzuen ustez, beherapenek galdu egin dute garai batean zuten xarma. Gaur egun, ia urte osoan dauzkagu eskaintzak, arropetan, oinetakoetan, etxeko tresna elektrikoetan, edozertan, alegia. Gainera, ezin ditugu ahaztu outlet famatuak.

Beraz, zertarako itxaron beherapenak izan arte urte osoan maukak baditugu? Uste al duzue urte osoan beherapenetan gaudela?

EROSI ETA EROSI

IRAKURMENA:
Zenbateraino da beharrezkoa jarduera komertziala arautzea, horren ondorioz merkataritza gune handiak ezartzea zaildu eta dendetako ordutegia murrizten bada?
Jarraian pertsona biren iritziak dauzkazue, bat aukeratu.

Jon Ariño (Euskadiko Kontsumitzaileen Elkargoa)
Gaia prestatzeko:
Zer dio idazleak?
Zein ideia nabarmenduko zenuke? Zergatik?
Eman zure iritzia:
Zer diozu gaiaz?
Zer eskatzen duzu kontsumitzaile zaren aldetik?

Pablo Vivancos (El Boulevard merkataritza guneko zuzendaria)
Gaia prestatzeko:
Zer dio idazleak?
Zein ideia nabarmenduko zenuke? Zergatik?
Eman zure iritzia:
Zer diozu gaiaz?
Jai egunetan dendak irekitzea da jendearen eskaria ?

HIZKA-MIZKA: ARROPAKO BIGARREN ESKUKO DENDAK

• Arropa egoera onean dago eta gainera, prezio egokiagoan.
• Arropa birziklatu egiten da eta ez da alferrik galtzen.
• Kontrakoa pentsatzen bada ere modan dauden gauzak topatu ahal ditugu.
• Krisialdi garai honetan irtenbide ona izan daiteke poltsikorako.
  ------------------------------------------------------------------------
• Honelako denda gutxi daude.
• Arropa egoera onean badago ere, auskalo nork erabili duen lehenago.
• Hemen ez dugu bigarren eskuko arropa erabiltzeko ohiturarik .
• Saltzen den arropa ez da ohikoena, berezia baizik.
  

INKESTA ---- ERANTZUNAK

Inkesta: ZENBAT GASTATUKO DUZUE BEHERAPENETAN?

0 euro ………..… 2 (%12)

1 – 50 euro …..… 5 (%28)

51 – 100 euro ..… 8 (%44)

101 eurotik gora .. 3 (%16)

BEHERAPENETARAKO AHOLKUAK

Gabonen ostean beherapenak datoz. Merke merke dago dena eta badirudi erostera behartuta gaudela. Baina KONTUZ!!! Zenbait saltokitan iruzur egiten digute lehen ez zeuden produktuak salgai jarriz edo prezioak manipulatuz, edo merkealdietarako espresuki egindako gauzak salduz, edo …

Kontsumitzaileen bulegotik erosketa arduratsuak egitea aholkatzen dute, beherapenetan zoratu barik erosteko, alegia: aldez aurretik aurrekontu bat prestatu eta bete, ez erosi behar ez dena, ondo begiratu etiketak, prezio biak agertu behar dira (aurrekoa eta merkealdietakoa), galdetu dendariari aldaketarik onartzen duten, dirutan ordaindu eta ez erabili diru-txartelik, eskatu ordainagiria, …

Azken finean, guztiok ezagutzen ditugun aholkuak dira horiek, teorian oso baliogarriak direnak, baina praktikan … zer? Ziur gaude zuen esperientzia kontuan harturik aholku hobeak emateko kapaz zaretela.

ZEINTZUK DIRA ZUEN AHOLKUAK BEHERAPENETARAKO?

BEHERAPENAK ZENBAKITAN

Salmentak %25 jaitsiko dira 2008.urtearen aldean
Hirutik bik erosiko dute beherapenetan
Batez beste, pertsonako 106 euro gastatuko dira
Horrelaxe gastatuko dute:

Arropa: %71

Osagarriak: %13

Teknologia: % 8

Asialdirakoak: %5


Gauzak horrela, hurrengo galderak proposatzen dizkizuegu komentarioetan zuen iritzia emateko:

Merezi du beherapenetan erostea?
Inoiz erosi duzue beherapenetan gero erabili ez duzuen zerbait? Zer?
Zein da aurkitu duzuen beherapenik onena?
Neguko beherapenak ala udakoak nahiago dituzue?