GORA MAITASUNA!!!

Maitasuna zorte kontua dela diote nire lagunek eta ligatzeko artean ere zortea behar dela pentsatzen dute. Zorte? Zorte?… Zortea bilatu behar da eta, nire kasuan bezala, ez da nahikoa polita izatearekin. Zer edo zer gehiago behar da, baina gehiago hori ez dakit zer demontre den.

Ez naiz inoiz oso trebea izan maitasun kontuetan. Borondatea jarri dut, baina ligatzea ez da nire bertuterik onena. Gutxi eta gaizki ligatu dut. Beti maitemindu naiz nitaz maitemintzen ez zenaz eta, hasteko, hori arazo handia izaten da.

Orain bikotekidea dut. Asko kostatu zitzaidan lortzea, baina azkenean lortu egin nuen. Batzuetan, gau erdian, bera lotan dagoenean begiratzen diot eta oraindik ez dut ulertzen zer egiten duen nire ondoan, eta pentsatzen dut kontxo!!! zer zorte izan dudan. Azkenean lagunek arrazoia zuten.

Zer behar da ligatzeko? Zorteak badu zerikusirik? Trebeak zarete ligatzen? Baduzue bikotekiderik? Nola lortu zenuten? Laster Balendin deuna izango da, ospatuko duzue bikotekidearekin?

MAITE MAITE MAITIA

Orain del gutxi irakurri dut badagoela jendea bere buruarekin ezkontzen dena. Ez beste pertsona batekin edo, inoiz entzun dugun bezala, arraroa bada ere, ez animalia batekin. Ez. Horiek beren buruarekin ezkontzen dira. Gehiegi maite izango dute beren burua edo, agian, ez dute bikotekiderik aproposena aurkitu edo inor ez dago prest haiek aguantatzeko. Ez dakit.

Neure burua maite dut, jakina. Baina ez dakit neure buruarekin ezkonduko nintzatekeen. Polita, jatorra, azkarra,... naiz. Hori argi dago. Lan ona daukat, etxea ordainduta..., azken batean, bikotekide ezin hobea. Baina, ez nintzateke neure buruarekin ezkonduko, batez ere, neure buruarekin haserretuko banintz ez nukeelako jakingo zer gertatuko litzatekeen nire buruarengandik bananduko banintz.

Eta zuek, ezkonduko zinatekete zeuen buruarekin? Zer deritzozue pertsona bat bere buruarekin ezkontzeari? Eta animalia batekin ezkontzeari? Nolakoa izan zen zuen ezkontza? Eta, ezkonduta ez bazaudete, baduzue ezkontzeko asmorik? Zergatik?

MAITE DUDANARENTZAT

Aitzakia hutsa iruditzen zait hori esatea. Zentro komertzial batek asmatutako ospakizuna omen da, baina hori ez da nahiko arrazoia ez ospatzeko eta, are gehiago, ospatzen dutenak kritikatu ahal izateko.

Maitasuna egunero erakutsi behar dela esatea Balendin deunaren eguna ospatzea bezain kursia da. Gainera, jakin nahiko nuke egunero bikotekideari maitasuna erakusten diotenek nola egiten duten, zer egiten duten eta, batez ere, bikotekidea maitatua sentitzen den.

“Ez dut ospatzen; beraz, ez naiz kursia... gizarte kontsumista honen atzaparretik alde egitea lortu dut... lehen ospatzen nuen, hasierako urteetan, gaztea nintzenean, baina orain, mesedez,...” Aitzakiak baino ez dira. Maitasuna egunero erakustea ondo badago, San Balendin egunean ere ondo egon behar da.

Por zierto, sosik gastatu nahi ez duzuenok jakin ezazue badaudela erosi behar ez diren opariak: musuak, irribarreak, ferekak,... edo sarrera honen bitartez maite duzuen pertsonari “MAITE ZAITUT” esatea.

Eta zuek zer uste duzue? Baduzue aitzakiarik ez ospatzeko? Zein izan daiteke egun horretarako oparirik egokiena?

ALL WE NEED IS LOVE

Garai bakoitzak maite izateko modu desberdinak ditu edo bizitzako garai desberdinetan desberdin maite dugu. Ez dugu berdin maite gaztaroan, heldutan eta, are gutxiago, zahartzaroan. Ez da bat besteak baino hobea dela, ez. Desberdina eta, gainera, pertsona bera maite badugu garai desberdin horietan pertsona hori desberdin maite dugu.

Nire bizitzan asko maite izan dut eta uste dut oso maitatua izan naizela, baina bihotza apurtu didatenak ere ez dira gutxi izan. Neu ere izan naiz bihotz bat edo beste apurtzearen erruduna.

Maiteminduta gaudenean tontakeriak egiteko garaia da. Ziur nago guztiok gorritzen garela eta damutzen garela maite dugun pertsona lortzeko egindakoaz. Zer lotsa!!! Baina horrela da maitasuna, bestela ez litzateke maitasuna izango.

Zer egiteko prest egongo zinateke zuen azukre koskorra lortzeko? Tontakeriarik? Ala dagoeneko egin dituzue eginbeharrekoak? Datorren astean Balendin deunaren eguna dela eta, jakin nahiko genuke zer den zuentzat maitasuna eta zer uste duzuen egun horretaz.

MUSUKATZEN

Ez dut gogoko jendeari musuak ematea eta jendeak niri ematea gorrotatzen dut. Arrazoia ez dakit ondo. Ez da osasun kontua, hau da, zer kutsatu ahal didan pertsona horrek. Ez da sexuala, musu horrek berotu ahal nauela, alegia. Ez da psikologikoa, hots, txikitan izandako trauma baten ondorioa. Ez, ez da gauza horiengatik …

Gainera, agurretan jendea elkarri musuak banatzen dizkionean urduritzen naiz eta beti bilatzen dut aitzakiaren bat “musu festa” horretatik ospa egiteko eta, inor konturatu gabe, desagertu egiten naiz.

Musu bat ematen didatenean denbora luzez, oheratu arte askotan, sentitzen dut bestearen ezpainek lagatako aztarna, presio arraro bat masailetan. Musua neuk ematen dudanean, berriz, ezpainetan beste pertsonaren zaporea izaten dut egun osoan.

Dena den, aitormen txiki bat egin behar dizuet: badaude oraindik gogoratzen ditudan musutxoak. Oporretan, gaztetxoen jokoetan, galtzen zuenak eman behar zion musu bat aukeratzen zuen pertsonari. Beti izan naiz galtzailea eta egoera horretan are gehiago … Beharbada musu indigestio horretatik datorkit oraingo desplazera. 

Eta zuek, gogoko duzue? Musu berezirik gogoratzen duzue? Zergatik?

NI ZUREKIN EZ, EZ

Mundu guztia ezkontzen da maitasunagatik? Zalantzak ditut. Baietz pentsatu nahiko nuke, hain erabaki handia baita ezkontzarena. Baina errealitateak ez dit hori erakusten. Zenbat komenientziazko ezkontza ote daude munduan? Hemendik ez hain urrun zenbat neskatxa behartzen ote dituzte ezkontzera aita edota aitona izan litekeen batekin? Zenbatek uste ote dute bera baino 40 urte gazteagoa den batekin maitasungatik ezkondu dela?

Bi pertsona ezkonduko direla enteratzen garenean ospakizun alaia datorkigu burura. Ezkonduko diren bi pertsona horien artean maitasuna besterik ez dugu ikusten, baina beti ote da horrela?

MAITASUNEZKO KATEA

Maitasuna katea bezalakoa da kate-begi bat beste batekin lotzen da eta betiko egongo dira elkarrekin lotuta, ezer arrarorik gertatzen ez bada. Zer polita! Bada, Balendin deunaren eguna dela kausa maitasunezko katea (istorioa) egitea proposatzen dizuegu. Oso erraza da, guk emango dizuegu oina, hau da, istorioaren hasiera eta zuek jarraituko duzue komentarioetan. Jakina, jarraitu behar duzue beste ikasleek idatzitakoa, azkenean denon artean istorio osoa egiteko.

“Erabakita daukat. Gaur bera goizetan egoten den autobus geltokira hurbilduko naiz eta maite dudala esango diot. Ondo gosaldu, arroparik dotoreenak jantzi eta banoa bere bila …”

GAUA ALA EGUNA?

Ez dut batere ondo ulertzen maitasunarena. Pertsonak erabat aldatzen ditu maitasunak, beno …, aldatu ez nuke esango, txotxolotu baizik. Bideoan ondo ikusten den moduan, bihotzak buruaren lekua hartzen duenean, jai dugu! arrunkeriarik handiena egiteko kapaz gara, hori bai inolako lotsa barik.



Zer uste duzue honetaz? Ez duzue zuek egindako arrunkeriarik kontatu behar, baina idatzitakoa adibide on batez ilustratuko bazenute, agian, barre batzuk egingo genituzke.

JAINKOAK LOTU DUENA …

IRAKURMENA:
Banantzea eta dibortziatzea: ondorio ekonomikoak

Gaia prestatzeko:
Zer dio idazleak?
Zein ideia nabarmenduko zenuke? Zergatik?

Eman zure iritzia:
Zer diozu gaiaz?
Ondo legoke ezkontza bi urtean behin berritu ahal den kontratua izatea?

HIZKA-MIZKA: EZKONTZA-AGENTZIAK

• Harremanetarako arazoak dituen jendeari lagundu ahal diote.
• Normalean, profilen artean norberarekin afinitate gehien daukana aukeratzen dute.
• Batzuetan ohiko ezkontzak baino iraunkorragoak izan daitezke.
• Ezkontza- agentzia zita baino ez dute antolatzen; hortik aurrerakoa ohiko erlazioa bezalakoa da.
  


• Agentzia guztiak ez dira fidagarriak, batzuk jendearen zintzotasunaz bailatzen baitira.
• Penagarria da dirua ordaindu behar izatea baten batekin ezkontzeko.
• Zure bikotekidea hautagai batzuen artean aukeratu beharra duzu.
• Komenientziazko ezkontzak bezalakoak dira, non ote dago maitasuna?

IKESTA --- EMAITZAK

Inkesta: ZEIN DEFINIZIO IRUDITZEN ZAIZUE ONENA?

JOSErena ………………………… 3 (%12)
DIANArena ……………………….. 10 (%40)
VANESSArena …………………… 11 (%44)
AZKEN ANONIMOarena ……….. 1 (%4)

INKESTA --- EMAITZAK

Inkesta: BALENDIN DEUNA OSPATZEN DUZUE?

BAI ………… 1 (%8,5)

EZ …….……. 10 (%91,5)

EZ DAKIT ZER DAUKADAN

Ez dakit zer daukadan. Gaur ohetik altxatu naiz eta dena arrosa kolorekoa ikusi dut. Urduri egon naiz, baina ez kezkatuta. Sabelean, nire lagun batek esan zizkidan tximeletak hegan sentitu ditut. Eta, txarrena, komuneko ispiluan nire aurpegia ikusi dudanean harrituta geratu naiz: lelo aurpegia neukan (badakit beti daukadala esango duzuela, baina une horretan lelo-lelo aurpegia, benetan).

Kakatan, goizean goiz medikuarenera joatear egon naiz, baina bidean koadrilako batekin topatu naizenean eta atzoko zitaz galdetu didanean jakin dut arrazoia:

ZINEZ MAITEMINDUTA NAGO.

Aste honetan Balendin deuna dela kausa, maitasunari lekutxo bat utzi nahi diogu EUSKERABILIn eta horretarako joko edo lehiaketa bat proposatzen dizuegu: MAITASUNA EDO MAITEMINDUTA GAUDENEAN SENTITZEN DENA DEFINITZEA. Lehiaketa guztietan bezala, definiziorik onena edo erromantikoena aukeratuko dugu eta, jakina, sari bat emango diogu (ez da bi pertsonarentzako afari erromantiko bat hiriko jatetxe onenean, baina zerbait berezia eta maitasun osoz emanda bai).

Oharra: aste hau berezia denez (inauteriak eta Balendin eguna) guztiok sarrera honetan idatzi behar duzue.

INKESTA ----- ERANTZUNAK

Inkesta: INOIZ IZAN ZARA DESLEIALA ZURE BIKOTEKIDEAREKIN?



BAI ………. 3 (%30)



EZ ……….. 7 (%70)

“SAN TONTIN” EGUNA

Musuak dira maitasunaren adierazlerik handienak. Musuak, abesti askoren gaia eta film batzuen momenturik inportanteak izateaz gain, tristura arintzeko terapia onena ere badira. Musuek burmuinaren zati bat pizten dute eta honek odoletan endorfinak askatzen ditu ongizate-sentimendua sortuz.


Hala ere, Britainia Handian egindako inkesta baten arabera, hiru dira musuak elkarri emateko arrazoiak:

Gure bikotekidea hautatzeko
Beste pertsonarekin lotura bat izateko
Sexu-harremanetarako aukera gehiago izateko

Zer uste duzue?

Zein(tzuk) d(ir)a zuen ustez elkarri musuak emateko arrazoia?

Gogoratzen duzue fundamentuzko lehenengo musua? kontatu

ZURTZ INTTE

AEBetako Virginiako Commonwealth unibertsitateak eginiko ikerketa baten arabera gizonek arinago harrapatzen dituzte bikotekideak desleialtasunetan emakumeek baino. Emakumeek, berriz, askoz hobeto dakite ezkutatzen.

Gizonen %29k onartu zuen noizbait desleiala izan dela; emakumeen kasuan, ostera, %18k.
Bartzelonan ezkontideen arteko leialtasuna neurtzeko modan jarri da poligrafoa. Proba egiteak 700 euro balio du eta emakumeen kasuetan %80 egiaztatu da. Gizonen kasuetan, ordea, %94.

Zer uste duzue horretaz?

Poligrafoaren proba egingo zeniokete zuen

bikotekideari susmorik izanez gero?

MAITASUNAK EROTUTA

IRAKURMENA:

Bikotekidea aukeratzea

Zergatik dira kaltegarri harreman batzuk? Norekin nahi dugun hautatzea garrantzi handiko kontua da; ongi aukeratzea, funtsezkoa. Gure begiak norbaitengan pausatzean erakartze-estimuluari erantzuten ari gatzaizkio. Fisikoki atsegin zaigu pertsona hori baina hori, lotura finkatu arte, pixkanaka ezaugarri eta bertuteez osatuko den katearen begi bat baizik ez da.

HIZKA-MIZKA

Urterik urtera ospatzen bada arrakasta duelako seinale

Denoi gustatzen zaigu maite gaituztela adieraztea urtean behin bada ere.

Merkatal zentroek bultzatutako jaia izanda ere, ez dugu ahaztu behar oso jai polita dela, batez ere, maiteminduta zaudenean.

Pozik egoteko eguna da, maitasuna konpartitu behar da eta lau haizetara zabaldu behar da.

Maiteminduen eguna, beste egun asko bezala, dendek sortuetako eguna da.

Txorakeria galanta da urtean behin maiteminduen eguna ospatzea, beste egunetan ez dago maitasunik, ala?

Egun hau horterada bat baino ez da, leku guztietan bihotzak , kupidoa, maitasun esaldiak, … zein baino zein horteragoak.

Hipokresia hutsa da: guztiok kritikatzen dugu eta gehienek ospatzen dute.

BETI ETA BETIKO --- ERANTZUNAK

Azkenean maitasunak beti irabazten du

BADAGO BIZITZA OSORAKO MAITASUNIK?

- BAI............................ %78

- EZ.............................. %22

BETI ETA BETIKO B1

1B MAILA

Urtero bezala, otsailaren 14an, Balendin deuna eguna ospatzen da. Ikusi egun horri buruzko hurrengo bideoa eta gero dauden galderei erantzuna eman komentarioetan.

· Zer da maitasuna? Nola definituko zenukete?

· Maiteminduta zaudete?

· Zer uste duzue Balendin deunaren egunari buruz? Gustukoa duzue?

· Maiteminduta gaudenean txorakeriak egiten ditugu? Zein izan da egin duzuen txorakeriarik handiena?

· Egia da maitasuna sortzen duen molekulak urtebete irauten duela?

· Zer bilatzen dugu gure harremanetan?

· Musuak dira depresioaren kontrako terapiarik onena?

· Leiala da jendea bere bikotearekiko ?

BETI ETA BETIKO B2

2. MAILA

Polimaitasuna
Ez da gaurko kontua orain izen berria eman arren. Saio honetan sexologoak eta psikologoak askoren arteko maitasun eta sexu harremanei buruzko iritzia ematen dute.

Beraz entzun ezazue polimaitasunari buruzko elkarrizketa. Klikatu hemen.

- Zer uste duzue polimaitasunaz?

- Onartuko zenukete?

- Zergatik bihurtzen da jendea polimatasun?

- Jeloskorrak zarete?

BETI ETA BETIKO C1

EGA

Aste honetako gaia: “MAITASUNA”

v Maitasuna beti eta betiko

v Unean uneko maitasuna eta tokian tokikoa

v Maitasunik badago arazorik ez, arrosazko mundua

v Maitasunik gabeko bizitzak ez du zentzurik

v Komenientziazko bikoteak uste baino gehiago

Irakurmena: Maitasuna zer ote den argi ez badaukagu ere, batzuen ustez gaixotasun mota bat da. Maiteminduta daudena gaixo dago eta ez daki zer egiten duen. Beharbada, hau ez da egia, baina badaude maitasunaren ondorioz sortzen diren gaixotasun batzuk. Hauetariko bat hurrengo artikuluan deskribatzen digutena aurki dezakegu. Artikulua irakurtzeko klikatu hemen.