Urte asko daramatzat irakaskuntza
munduan eta ikasle askoren beldurra beti
izan da zer gai izango duten idazteko edo ahozkoa egiteko. Irakasleon ustez,
gaiak ez du horrenbesteko garrantzirik, baldin badakizu nola egin behar den.
Azkenean, gaia aitzakia baino ez da ikasleek hizkuntzaren ezaguerak erakusteko
Egitekoa kontuan hartzea gaia bera
baino garrantzitsuagoa da askotan. Gaia
edozein delarik gai izan behar dugu idatziz zein ahoz gure iritzia emateko,
iritzi xumea, apala. Ez dugu hitzaldi magistralik eman behar edo gutun
artifizialik idatzi behar. Izan gaitezen naturalak, helarazi diezaiogun
entzuleari zein irakurleari esan nahi duguna, erabil dezagun beti bihotza.
Berrogeialdian ere aritu gara
bihotzaren garrantziaz eta naturala izateaz. Adibideak jarri ditugu bihotzaren
garrantzia nabarmentzeko, matraka eman dugu ikasturte osoan bihotza erabiltzeko
eta ikastaroa bukatzear dagoela bihotz hori agertzen ari da eta gaiari kendu
dio bere garrantzia.
Zer garrantzi du zuentzat
gaiak? Zein gaitan sentitzen zarete eroso edo gustura? Zergatik? Bihotzez ala
gramatikaz idazten duzue?
