D6! … KALE!

Ordu txikietan telebista piztu eta dirua irabazteko joko inozoak topatzen ditugu nonahi. Ezin errazagoa den galdera bati erantzuna emateagatik irabaz ditzakegu euroak eta euroak. Bakarrik ahalegintxo bat egin behar dugu: telefonoa hartu, zenbaki bat markatu eta itxaron eta itxaron, musika alaia entzun bitartean, eta itxaron eta itxaron … Azkenean, erantzuna eman eta euro batzuk patrikara poz-pozik … telefono faktura ikusi arte. Deia 100 euro eta saria 50 euro, negozio ederra gurea!

Baina, aitortu behar dut, noizbehinka horrelako saioak ikusten ditut eta barre batzuk egiten ditut, hau ikusi nuen egunean adibidez.

Zer iruditu zaizue bideoa?
Zer deritzezue honelako programei?

Inoiz hartu duzue parte?

BIZITZA BONBOI KUTXA BAT DA

Batzuetan Truman bere showan bezala sentitzen naiz. Telebistaren aurrean orduak eta orduak eman ondoren iruditzen zait bizitza telebistako eszenatoki erraldoia dela eta batzuek hainbat froga ipintzen dizkigutela ustezko audientzia handitzeko.



Txikitatik musika eta dantza izar distiratsua izan nahi izan dut. Ondo abesten dut, ez Susan Boylek bezala, baina tira, ez naiz bera bezain zatarra.



Abenturazko oporrak gustukoak ditut, diru gutxi eta auto-stopa dira nire motxilaren lagunik preziatuenak. Behin, biziraupen-ikastaroa bat egin ondoren, irla bakarti batean eman nituen pare bat hilabete kokoak eta arrain nimiñoak jaten. Oso esperientzia polita, baina bertan 15 kilo galdu nituen.

Orain proiektu batzuk ditut, etxe bat eraiki, glamurrez jositako hotel batean sartu …, ez dakit, agian egunen batean Patagoniara joango naiz nire bi lagun berriekin, Juanito eta Jose Luisekin.

Bizitza erreality-showa da ala showa bakarrik?
Zer iritzi duzue programa horietaz?

BEGI BISTAKOA

IRAKURMENA
Etekin operazioa

Telebistari buruzko iritzi artikulua. Oparotasun zibilizazioan plazera bilatu ordez, jendeak telebista ikusten omen du.

HIZKA-MIZKA

Diru erraza irabazteko aukera ezin hobea

Ondo egiten baduzu mundu horretan sartzeko parada, horrek dituen abantailekin

Beste leku batzuetako jendea, esperientzia berriak, … honek guztiak aberastu ahal gaitu

Honelako saio guztiak ez dira berdinak, badaude benetako ahaleginak eskatzen dituztenak

************************

Dirua irabazi bai, baina momenturako besterik ez

Balorea behar da mundu guztiaren aurrean tontoarena egiteko

Bizitzan badaude aberastu ahal gaituzten bestelako esperientziak

Saio hauek guztiak oso antzekoak dira, helburu bakarrekoak ospea lortzea, alegia