IKUSI ALA EZ IKUSI, ZERUAN DAGO EGUZKI

Lurra bat eta bakarra da. Zientziak beste planeta batean bizitzeko aukera eman arte lur gaixo eta zahar honetan segituko dugu bizitzen, barkatu, zikintzen. Gizakiok dena kakaztu dugu eta gure etxea den mundu hau hilzorian utzi dugu.
Arazoa larriagotu denean zer edo zer hasi gara egiten, hots, birziklatzen, energia berriztagarriak erabiltzen, … Ez dakigu berandu izango den, baina hil ala biziko egoera honetatik ateratzeko zerbait egiteko unea da.

Zer uste duzue gai honi buruz?
Zer egiten duzue naturaren alde?

ZURTZ INTTE

Batzuetan haserretzen bada ere, argi dago munduak maite egiten gaituela. Gainera, naturak, esker onekoa denez gero, argazkian dagoena bezalako opariak egiten dizkigu. Lurrak oraindik ere baditu leku ederrak, txoko bereziak non gizakiok ezer izorratu ez dugun. Ziur aski, zuek horrelako lekuak edo naturak emandako momentu bereziak ezagutuko dituzue. Horrela bada, konpartitu guztiokin komentarioetan.

Honelako lekurik ezagutzen ez baduzue, sar zaitezte blog honetan eta aukeratu naturak oparitzen digun bihotz politena.

NATURA BIZIRIK

IRAKURMENA:

Haize errotak polemika iturri EAEn

Euskal Autonomia Erkidegoa, Nafarroaren maila berean ez izan arren, parke eolikoei buruzko zenbait proiektutan murgilduta dago. Pixkanaka-pixkanaka, nahiz eta herritarren oposizioak hainbat arazo sorrarazi, dagoeneko hiru parke martxan daude bere lur-eremuan eta urte honetan bertan beste bi eraikitzea posible izan daiteke, baldin eta martxan dauden auziek sortutako eragozpenak gainditzen badira.

HIZKA-MIZKA

Ezin da ukatu Klima aldaketa pairatzen ari garela eta ez onartzea arduragabekeria itzela da.

Tenperatura aldaketak, gero eta sarriago gertatzen diren hondamendiak, … klima aldaketaren adierazgarriak dira.

Ozono geruzaren arazoa aspaldi nabaritzen hasi bazen ere, ezer gutxi egin dugu geldiarazteko.

Zorionez, denok hasiak gara klima aldaketa saihesteko ekintzak gauzatzen eta urte gutxitan gauza asko lortu dira: birziklapena, energia berriztagarriak, ur kontsumoaren murrizketa, …


Ez da zientifikoki ezer frogatu, hau da, ez dago klima aldaketa dagoela erakusten digunik. Tenperatura aldaketak, hondamendiak … ez dira oraingoak, betidanik existitu dira.


Jendeak, oro har, ez du uste klima aldaketak ondorio txarrik izango duenik, behintzat, epe laburrean.

Klima aldaketaren aldeko ustezko ekintzak oso ondo datozkie politikariei haien kanpainetan botoak lortzeko.

Dirua dute helburu egiten dituzten ekintza gehienetan. Horrela, klimaren aitzakiaz baliaturik eta energia berriztagarrien izenean ari dira batzuk aberasten.