KILOEK ETA URTEEK PISATZEN DUTE

“Urte bat gehiago, kilo bat gehiago” horrela dio nire lagun batek. Adin batetik aurrera urteak bete ahala kiloak hartzen ditugu. Ez dakit arrazoia duen, baina egia da azken urteotan (adin batetik aurrera) oso zaila dela kiloak galtzea eta betiko bizitza eginda, betikoa janda eta edanda, gramoak eta gramoak pilatzen direla gorputzeko leku berean.  

Ez nago kezkatuta eta are gutxiago obsesionatuta, baina ez dago modurik soberan ditudan kiloak gainetik kentzeko. Egia esanda, ez dut ezer berezirik egiten, behin modaz pasatako Addidas markako txandala jantzi eta egunkaria erostera korrika joan nintzen; beste behin mirarizko dieta bat egin nuen astebetez, ehun gramo argaldu eta gero kilo bat eta erdi berreskuratu nuen dieta utzi nuenean; alkoholik gabeko edabe horiek ere probatu ditut, alkoholak loditzen duela, bai zera!

Orain, udaren atarian gaudenean, ez dakit zer egin Decathlonera joan eta beste txandal bat erosi, alkatxofaren dieta egin ala ura baino ez edan. Ziur aski, taila handiko praka motzak jantzi, alkatxofak laguntzeko urdaiazpiko ona prestatu eta promozioan dagoen garagardo kupel hotza erosiko dut laster uda datorrela ospatzeko.

Ados zaudete nire lagunak dioenarekin? Zer edo zer egin/egiten duzue kiloak galtzeko? Zer da onena argaltzeko? Zergatik?

GIHARRAK KE PIN, GIHARRAK KE PAN

Baina beltzaran jarri aurretik beste penitentzia bat bete behar dugu: soberan ditugun kiloak galtzea. Horretarako, GIMNASIORA jo ohi dugu aspaldi honetan. Hor, gure beharretara moldatzen diren modazko azken kirolak egin ahal ditugu erosi dugun bainujantzi ñimiñoa jantzi ahal izateko.
Gimnasioan, gorputza egurtu eta izerdia bota behar dugu, ez dago argaltzeko metodorik ezer egin gabe, bestela begira ezazue zer gertatu zitzaion Barakako Jonani.

Zer uste duzue bideoan ikusitakoaz?
Gimnasiora joaten zarete? Merezi du? Zertarako?
Sartuko zarete iazko bainujantzian?

POTOLO --- POTOLO

IRAKURMENA
Azaleko minbizia
Gaixotasunaren jatorria, nolakoa den, zerk eragiten duen, eguzki izpien azterketa, prebentzio neurriak e.a. Azaltzen ditu.

HIZKA-MIZKA

Era egokiz eginez gero eta mediku batek kontrolatua ondo daude

Loditasunak ez du gauza onik ekartzen, bera, hobe da argaltzea

Egun badaude edonorentzat egokia den argaltzeko metodoak, osasuna kaltetu gabe

Mundu guztiari gustatzen zaio bere burua ondo ikustea, horretarako argal hobe

---000----000----000----

Udaren atarian mundu guztiak argaldu nahi du, edonola eta ahalik eta lasterren

Argaltzea obsesio bihur daiteke

Pertsona argalaren irudia salduta dirua atera besterik ez dute egiten, bai medikuek, bai gai honen inguruko jakintsuek

Pertsona guztiek, gorpuzkera desberdina badute, ezinezkoa da guztiak hezur eta azal egotea