LARRUA APAINDU

Bitxia gero Desigual dendak beherapenei hasiera emateko modua. Biluzik sartu eta jantzita atera. Jendea bezperatik ilara egiten, Athleticek partida garrantzitsuak jokatzen dituen egunetan bezala. Jendea pozik, lotsarik gabe, denda noiz irekiko zain eta jantzi ahal duen beste arropa hartzeko prest.

Ez zait ideia txarra iruditzen, nik neuk parte hartuko ez banu ere. Gainera, badirudi jendeak ez duela begi txarrez ikusten beherapen mota hau, gehienetan jende gaztea delako honelako ekintzetan parte hartzen duena. Egia esan, ez da  gauza bera gazteak erdi biluzik ikustea edo adineko jendea ikustea. Ez dut diskriminaziorik egin nahi, baina adineko jendearentzako denda arroparen batek ideia bera izango balu ez dakit kritikak areagotuko ez liratekeen.

Seguru nago kasu horretan jendeak ez lukeela ontzat hartuko neurri hori. Adineko jendea kalean biluzik edukitzea moralaren kontrakoa litzateke askoren ustez eta kasu bietan jantzi ahal beste arropa hartzea helburu izan arren bigarren honetan abantailak baino modua litzateke desegokia. Ez dakit inoiz beste dendaren batek beherapen hasiera hau izango duen, baina adineko jendea balitz kalean biluzik dagoena jendearen iritzia kasu horretan jakin nahiko nuke.

Zer deritzozue beherapenak hasteko modu honi?

BEHERAPENETARAKO AHOLKUAK

Gabonen ostean beherapenak datoz. Merke merke dago dena eta badirudi erostera behartuta gaudela. Baina KONTUZ!!! Zenbait saltokitan iruzur egiten digute lehen ez zeuden produktuak salgai jarriz edo prezioak manipulatuz, edo merkealdietarako espresuki egindako gauzak salduz, edo …

Kontsumitzaileen bulegotik erosketa arduratsuak egitea aholkatzen dute, beherapenetan zoratu barik erosteko, alegia: aldez aurretik aurrekontu bat prestatu eta bete, ez erosi behar ez dena, ondo begiratu etiketak, prezio biak agertu behar dira (aurrekoa eta merkealdietakoa), galdetu dendariari aldaketarik onartzen duten, dirutan ordaindu eta ez erabili diru-txartelik, eskatu ordainagiria, …

Azken finean, guztiok ezagutzen ditugun aholkuak dira horiek, teorian oso baliogarriak direnak, baina praktikan … zer? Ziur gaude zuen esperientzia kontuan harturik aholku hobeak emateko kapaz zaretela.

ZEINTZUK DIRA ZUEN AHOLKUAK BEHERAPENETARAKO?

BEHERAPENAK ZENBAKITAN

Salmentak %25 jaitsiko dira 2008.urtearen aldean
Hirutik bik erosiko dute beherapenetan
Batez beste, pertsonako 106 euro gastatuko dira
Horrelaxe gastatuko dute:

Arropa: %71

Osagarriak: %13

Teknologia: % 8

Asialdirakoak: %5


Gauzak horrela, hurrengo galderak proposatzen dizkizuegu komentarioetan zuen iritzia emateko:

Merezi du beherapenetan erostea?
Inoiz erosi duzue beherapenetan gero erabili ez duzuen zerbait? Zer?
Zein da aurkitu duzuen beherapenik onena?
Neguko beherapenak ala udakoak nahiago dituzue?