KOLORE ANITZEKO MARKAK

IRAKURMENA
Teheranen ere IKEA nahi dute kopian bederik
Zer deritzozue IKEA fenomenoari?
Ezagutzen duzue Barakaldoko IKEA denda? Zer pentsatzen duzue beraz?
Bidezkoa iruditzen zaizue Irango jendeak egiten duena?

Hiriak eta saltokiak
Zer uste duzue irakurri duzuenaz?
Zer-nolako aldaketak ekarri dituzte gune komertzialek erosteko orduan?
Periferiako gune komertzial anonimo horiek gizartea norabide gabeko ildo batean sartzen dute?
Erospenaren frenesia jai bihurtuz, nora doa gizatasuna?

HIZKA-MIZKA:

PUNTAKO MARKAK vs MARKA ZURIAK

Puntako markek egindako produktuetan marka horien bermea daukagu eta horrek dakarrena.

Marka zuriko produktuak merkeagoak badira zerbaitengatik izango da, ezin dute kalitate bera eduki. Merkea beti garesti.

Marka zuriek eraldatu dute merkatua bezeroak erraz ohitzen baitira merkeago erosten, nahiz eta kalitatea baxuagoa izan.

Merkatua banatzaileen eskuetan dago eta ez ekoizleen eskuetan, zein produktu sal daitekeen eta zein preziotan lehenengoek erabakitzen baitute.


Merkeagoak dira egileak publizitatean eta promozioan gastatzen ez baitu eta krisi garai honetan dirua aurrezteko bidea da.

Sarri askotan, kalitatearen aldetik, produktuak marka liderrek saldutakoak bezalakoak dira.

Denda askotan leku berean aurki ditzakegu, bata bestearen ondoan, edo fabrikatzaile berak eginda.

Diru gutxiago daukaten pertsonek horrelako produktuak eros ditzakete merkatua zabalduz.

INKESTA ---- ERANTZUNAK

Inkesta: Irakurtzen duzue etxera supermerkatuetatik heltzen zaizuen publizitatea?

BAI……………………………………. 6 (%43)

EZ…………………………….……….. 1 (%7)

NOIZEAN BEHIN……………………. 7 (%50)

EROSKETA DIBERTIGARRIAK

Berriro??? Hauxe izaten da bikotekideari egiten diogun galdera erosketak egin behar ditugula esaten digunean. Askorentzat, gehienontzat, erosketak egin behar izate hori asteko kalbarioa izaten da. Nekea, asperdura, eta, batez ere, amorrazioa eta haserrealdia sentitzen dugu une horretan. Beste batzuek, berriz, badakite, eta ondo gainera, nola disfrutatu une hori. Bestela begira hurrengo bideoa eta atera ondorioak.

Segur aski, zuek ez dituzue erosketak horrela egiten eta atarian esandakoarekin guztiz ados egongo zarete. Edozein kasutan ere, beheko komentarioetan esaguzue nola egiten dituzuen erosketak: prestatzen duzue zerrendarik? Kapritxoren bat erosten duzue? Gauzak erraz aurkitzen dituzue ala bueltaka eta bueltaka ibiltzen zarete pasilloetatik?...