Gaur egun, ez dut uste hain arrakastatsua denik, Rosa hura pasa zenetik
beherantz egin du nabarmen. Beste garai hartan momentuko abeslaririk onenek
hartu zuten parte. Oso abeslari famatuak ziren haiek eta abestiak sekulakoak,
oraindik ere noiz edo noiz entzuten direnak edo karaoketan, trago batzuk
hartuta, abesten ditugunak.
Baina koronabirusak, pandemia madarikatu honek, gau honetako Eurovision ere
kendu digu, bueno, kendu kendu ez. Entzun dut online ere egingo dutela.
Teleurovision. Gaur egun dena telezerbait da, telelana, teleklaseak, teleuskaltegia…
Jakina, Eurovision izanik, tele atzizkia ondo datorkio. Dena den, espero dut,
telebotoak ematen dituztenean, hobeto banatzea eta benetan merezi duenak
irabaztea.
Zer deritzozue Erovision lehiaketari? Zer oroitzapen
duzue txapelketaz? Oraindik ikusten duzue? Abesten duzue? Nola? Noiz? Inoiz abestu
duzue karaoke batean? Nolako esperientzia izan zen? Zer abesti aukeratuko
zenukete, karaoke batean abestuko bazenute? Zergatik?
