Herrira zirkoa heltzen zen guztietan honegatik edo hargatik ez neukan nork eraman. Urtero zirkora zetorrela entzuten nuenean primeran pasako nuela uste nuen, baina usteak erdi ustel.
Koskortu nintzenean ere ez nintzen joan, denbora libre
beste gauza batzuetarako erabiltzen nuen. Baina orain dela pare bat urte,
herrira zirkora etorri zenean joan egin nintzen. Sarrera erosi, bapo bazkaldu
eta arratsaldeko saioa ikusteko jo nuen Etxebarria parkera. Bertan umeak
gurasoekin eta ni bakarrik. Barrutik umea, baina kanpotik gizona. Bakarrik
zegoen heldu bakarra nintzen.
Sartu, eseri nire lekuan eta pistako argiak piztu ziren
momentutik banekien ez nuela adina zirkoaren magiaz gozatzeko. Bukatu baino
lehenago alde egin nuen. Hainbeste urte itxaron eta gero ...
Gogoratzen duzue zirkora joan zineten eguna? Nolakoa izan zen?
Eduki duzue nik bezala txikitako “traumarik”?
